貓貓可以食咩水果？完整攻略睇呢度！
「貓貓食唔食得士多啤梨？」、「蓮霧、藍莓、提子又得唔得？」呢啲問題幾乎每個貓奴都問過！但你知唔知？唔係樣樣水果都可以畀貓貓安心食落肚，有啲甚至會中毒，隨時無命。
喺你將手上舊水果遞畀主子之前，先搞清楚有邊啲水果係「食得、唔食得、要少食」啦！
Sale!
Quick View
貓用｜98%鮮肉主食糧
$109.00 – $570.00
加入購物車
Sale!
Quick View
貓用｜凍乾主食｜開胃山海鮮肉餅
$125.00 – $285.00
加入購物車
（一）貓貓可以食嘅水果：瓜果類
西瓜｜木瓜｜香瓜｜哈密瓜
優點：瓜果類係熱量較低嘅水果，水份含量高，可以幫貓貓補充水份！
餵食建議：必須去皮去核/籽，切成易入口嘅細細粒。
要注意：糖份偏高，容易造成肥胖或糖尿病，一定要適量餵食。
想知【貓貓飲水技巧】可睇：貓貓唔鍾意飲水點算好？7 個補水技巧，令貓貓主動飲水！
貓貓食得西瓜嗎？
可以，但只可以極少量。西瓜果肉對貓貓無毒，而且水份多，喺夏天可以幫助補充水份。
但西瓜糖份好高，食太多可能導致腸胃不適或肥胖。
餵食前，務必將西瓜籽同綠色外皮徹底清除乾淨，因為籽可能造成腸道阻塞，外皮亦難以消化。建議只係畀一細粒佢試下味就夠。
貓貓食得木瓜嗎？
可以，木瓜係相對安全嘅水果。佢含有木瓜蛋白酶，有助分解蛋白質，可以幫助消化。
但同樣地，必須去皮同清走黑色嘅籽，因為籽含有微量氰化物，對貓貓有害。
木瓜糖份都唔低，請切成細細粒，一次畀少量當作獎勵零食，唔可以食太多。
貓貓食得香瓜嗎？
可以，香瓜（例如蜜瓜）果肉無毒，富含維他命，但佢嘅糖份同鉀含量都偏高。
有腎臟病或糖尿病問題嘅貓貓，應該要完全避免。
餵食前，請務必將外皮同中間嘅籽囊徹底清乾淨。
貓貓食得哈密瓜嗎？
可以，原則同香瓜一樣。哈密瓜果肉對貓貓安全，而且香氣濃郁，好多貓貓都會被吸引。
但佢嘅糖份含量極高，食太多容易令熱量超標同造成消化負擔。請務必去皮去籽，只畀一細粒果肉當作極偶然嘅獎勵，絕對唔可以成日食。
（二）貓貓可以食嘅水果：莓果類
士多啤梨｜藍莓｜桑葚｜黑莓｜紅莓｜覆盆子
優點： 莓果類富含抗氧化劑同維他命，對貓貓有益，而且熱量低，適合適量餵食。
餵食建議： 掹走個蒂，洗乾淨後切細粒，少量餵食。
要注意： 唔可以過量，以免影響消化，並要避免經加工嘅甜味莓果產品（如果醬）。
貓貓食得士多啤梨嗎？
可以，士多啤梨含有維他命C同纖維，有助補充營養。
但糖份高，過量可能造成腸胃不適。
貓貓食得藍莓嗎？
可以，藍莓富含抗氧化物，有助細胞健康，但唔可以餵加咗糖或加工過嘅藍莓製品。
貓貓食得桑葚嗎？
可以，桑葚含有鐵質同維他命，能補充營養，但糖份偏高，食得多容易引起腸胃不適。
貓貓食得黑莓嗎？
可以，黑莓含有纖維同維他命，有助腸道消化，但籽唔易消化，建議控制份量。
貓貓食得紅莓(蔓越莓)嗎？
可以，紅莓對泌尿道健康有幫助，常見於泌尿道保健品，但市面上嘅果乾或果汁多數含糖，需要避免。
貓貓食得覆盆子(覆盆莓)嗎？
可以，覆盆子含有抗氧化物同纖維，對健康有益，但含有少量天然木糖醇，絕對唔可以食太多。
（三）貓貓可以食嘅其他水果
蘋果｜番石榴｜香蕉｜雪梨｜蓮霧｜火龍果｜奇異果
餵食建議： 去皮去核/籽，切成適量嘅細粒再餵。
要注意： 適量餵食，避免造成腸胃不適，並確保冇餵到核/籽或果皮，以免危害貓貓安全。
貓貓食得蘋果嗎？
可以，但務必去核去籽。
蘋果富含纖維和維他命，可當作偶爾嘅健康零食。
但蘋果嘅「核、籽、莖、葉」都含有氰化物，對貓貓有劇毒，餵食前必須徹底清除乾淨。
建議將去皮後嘅蘋果切成細丁，一次畀一細粒試下味就夠，因糖份較高，都唔適合食太多。
貓貓食得番石榴(芭樂)嗎？
可以，但同樣要去籽。
番石榴係相對安全嘅水果，富含維他命C而且糖份較低。餵食前請務必將外皮洗乾淨，並徹底清除內部堅硬嘅籽，避免造成貓貓腸胃阻塞或消化困難。
貓貓食得香蕉嗎？
可以，但只能畀極少量。
香蕉對貓貓無毒，但糖份同碳水化合物非常高。
過高嘅糖份容易造成肥胖或消化不良，絕對唔可以成日食。請務必剝皮後再餵。
貓貓食得雪梨(水梨)嗎？
可以，雪梨水份多，能夠幫助補充水份，亦含有少量維他命。
但糖份偏高，唔適合日日食，建議偶爾少量畀啲就夠。
貓貓食得蓮霧嗎？
可以，蓮霧熱量低、水份多，能幫助補水解渴，同樣要適量。
貓貓食得火龍果嗎？
可以，火龍果富含纖維同抗氧化物，有助腸道蠕動。但籽比較多，可能唔易消化，建議少量切塊後餵食。
貓貓食得奇異果嗎？
可以，奇異果含有維他命C同纖維，有助提升免疫力。但酸度較高，過量可能刺激腸胃，需要控制份量。
Sale!
Quick View
貓用｜98%鮮肉主食糧
$109.00 – $570.00
加入購物車
貓貓唔食得咩水果？嚴重可致命！
（一）貓貓食得柑橘類(橙、柑、桔)嗎？
唔得，柑橘類水果含有大量柑橘精油同酸性成分，對貓貓嘅腸胃同肝臟都有刺激性。
而且柑橘類嘅氣味本身就容易令貓貓反感，夾硬餵可能造成嘔吐、肚瀉，建議完全避免。
（二）貓貓食得西柚(葡萄柚)嗎？
唔得，西柚含有柑橘精油同補骨脂素，對貓貓有毒性，會引致嘔吐及肚瀉。
貓貓食咗可能引發嘔吐、肚瀉或精神不振，建議完全避免餵食。
（三）貓貓食得提子(葡萄)嗎？
貓貓絕對唔可以食提子！對貓貓嚟講，提子係劇毒！
就算只係唔小心食到一兩粒，都可能會引發急性腎衰竭，嚴重可致命。
因此絕對要令貓貓遠離提子，連提子乾等加工製品，都千祈唔好畀貓貓食到！
（四）貓貓食得車厘子(櫻桃)嗎？
唔得，車厘子嘅果肉雖然少量無害，但佢嘅果核、果梗同葉都含有氰化物，對貓貓有毒性。
如果唔小心食到，可能出現呼吸急速、瞳孔放大或虛弱等中毒症狀，因此建議完全避免。
（五）貓貓食得水蜜桃嗎？
可以，水蜜桃果肉水份多又有維他命，少量食用對貓貓係安全嘅。
但係桃核（含有氰化物）、果皮同過多纖維可能會造成腸胃不適，建議去皮去核，只畀少量果肉。
（六）貓貓食得楊桃嗎？腎貓、老貓要特別注意！
唔建議，楊桃含有草酸鹽同神經毒素，對腎臟負擔特別大。
尤其係腎貓或老貓，食咗可能導致嘔吐、抽搐，甚至急性腎衰竭，建議完全避免。
加上楊桃鉀含量較高，會令本身功能較弱嘅腎臟難以負荷。
想知【老貓照顧】可睇：老貓點樣照顧？由呢 4 種小細節做起，老貓都可以好好生活！
（七）貓貓食得牛油果(酪梨)嗎？
唔建議。牛油果嘅果皮、果核同葉，都含有一種叫做「Persin」嘅毒素。
雖然對貓貓唔會即時致命，但仍然可能導致嘔吐、肚瀉等中毒症狀。
而且牛油果果肉脂肪含量好高，可能會令本身消化能力差嘅貓貓腸胃不適，可以嘅話都係唔好畀貓貓食到比較好！
想知【貓貓仲可以食咩】可睇：貓貓可以食啲咩？唔可以食啲咩？
餵貓貓食水果點先最安全？必睇 3 大要點！
睇完上面貓貓可以食嘅水果清單，你係咪已經想畀主子試下味呢？
但等等！即使呢啲水果對貓貓無害，但如果唔想對主子身體造成負擔，餵食前仲有 3 大要點需要掌握，各位貓奴快啲一齊睇下啦！
（一）控制餵食份量
畀貓貓食水果一定要記住唔可以大量餵食，因為食太多會引起腸胃不適。
建議水果只可以當作零食，切成細細粒餵畀貓貓食。
而且頻率最好控制喺一日一次，份量唔好多過一湯匙，防止餵得太多搞到貓貓變肥仔或肚瀉！
（二）有特殊疾病唔適合食
貓貓食得邊種水果，亦要視乎你主子有冇特殊疾病！
1. 糖尿病貓貓
需要控制糖份攝取，要避免甜度高嘅水果，例如：哈密瓜、西瓜、雪梨、蓮霧。
2. 有腎臟病 / 心臟病嘅貓貓
需要控制鈉同鉀嘅含量，要避免香蕉、楊桃、奇異果等鉀含量偏高嘅水果。
（三）徹底去皮去核/籽
好多水果都有果核同果皮，如果冇清走就畀貓貓食，可能會因為體積太大。
令貓貓吞嚥困難，或者核入面嘅一啲成分，會令貓貓身體唔舒服。
所以建議餵貓貓食水果前，先將所有水果嘅果核、果皮同籽徹底清除乾淨並收好。
避免貓貓唔小心食到，造成無法挽回嘅後果！
你可能仲想睇......
貓糧推薦清單！13 款貓乾糧推薦品牌評比全攻略
貓貓凍乾糧推薦！8款高評價牌子 & 揀糧指南
貓罐頭推薦｜10 款優質貓主食罐一次睇！
副食罐推薦｜12 款優質貓咪副食罐一次睇！
貓貓可以食咩？唔可以食咩？24 種食物大解析！
貓貓食魚全攻略，可以食咩魚？7 種適合貓貓嘅魚類
貓貓揀飲擇食點算好？7 招改善貓唔食嘢行為！
貓貓唔鍾意飲水點算？7 個補水技巧，令貓貓主動飲水！
貓貓食量點樣計？成貓、幼貓餵食份量一次睇！
參考資料
https://www.hillspet.com/dog-care/behavior-appearance/is-it-safe-to-give-fruit-to-cats-and-dogs?lightboxfired=true
https://www.petmd.com/cat/which-fruits-can-cats-eat